ನಮ್ಮ ರಾಜ್ಯದಲ್ಲಿ ಅನೇಕ ಸರ್ಕಾರಿ ಕಲ್ಯಾಣ ಯೋಜನೆಗಳು ಪ್ರಾರಂಭಗೊಂಡಿದ್ದರೂ, ಎಲ್ಲರಿಗೂ ಅದರ ಮಾಹಿತಿ ತಲುಪಿಲ್ಲ. ಅಂತಹ ಒಂದು ಪ್ರಮುಖ ಯೋಜನೆ ಎಂದರೆ ತಂದೆ ಇಲ್ಲದ ಮಕ್ಕಳಿಗೆ ವರ್ಷಕ್ಕೆ ₹48,000 ರೂ. ಸ್ಕಾಲರ್‌ಶಿಪ್ ನೀಡುವ ಯೋಜನೆ. ಈ ಯೋಜನೆ ಅನೇಕ ಅಸಹಾಯಕ ಮಕ್ಕಳಿಗೆ ಶಿಕ್ಷಣದಲ್ಲಿ ಸಹಾಯವಾಗುವ ಉದ್ದೇಶದಿಂದ ಸರ್ಕಾರದ ವತಿಯಿಂದ ಪ್ರಾರಂಭಿಸಲಾಗಿದೆ.
ಈ ಸೌಲಭ್ಯವನ್ನು ಪಡೆಯಲು ಮಗುವಿಗೆ 18 ವರ್ಷಕ್ಕಿಂತ ಕಡಿಮೆ ವಯಸ್ಸು ಇರಬೇಕು. ತಂದೆ ಇಲ್ಲದ ಮಗು ಶಾಲೆ ಅಥವಾ ಕಾಲೇಜಿನಲ್ಲಿ ಓದುತ್ತಿರಬೇಕು. ಈ ಯೋಜನೆಯ ಅರ್ಜಿ ಸಲ್ಲಿಸಬೇಕು.
ಅರ್ಜಿ ಪಡೆದ ನಂತರ, ಅದರೊಂದಿಗೆ ಅಗತ್ಯ ದಾಖಲೆಗಳನ್ನು ಸೇರಿಸಬೇಕು – ಉದಾಹರಣೆಗೆ, ಮಗುವಿನ ಜನನ ಪ್ರಮಾಣಪತ್ರ, ತಂದೆಯ ಮರಣ ಪ್ರಮಾಣಪತ್ರ, ಪೋಷಕರ ಆದಾಯ ಪ್ರಮಾಣಪತ್ರ, ಶಾಲೆ ಅಥವಾ ಕಾಲೇಜಿನಿಂದ ವಿದ್ಯಾರ್ಥಿ ದೃಢೀಕರಣ ಪತ್ರ ಮತ್ತು ವಿಳಾಸದ ಪುರಾವೆ. ಎಲ್ಲಾ ದಾಖಲೆಗಳನ್ನು ಸೇರಿಸಿ, ಶಾಲೆ ಅಥವಾ ಕಾಲೇಜಿನ ಮುಖ್ಯೋಪಾಧ್ಯಾಯರು / ಪ್ರಾಂಶುಪಾಲರಿಂದ ಸಹಿ ಮತ್ತು ಸೀಲ್ ಪಡೆದುಕೊಳ್ಳಬೇಕು. ನಂತರ ಅರ್ಜಿಯನ್ನು ಪುನಃ ಡಿಸಿ ಕಚೇರಿಗೆ ಸಲ್ಲಿಸಬೇಕು.
ಅರ್ಜಿಯನ್ನು ಸ್ವೀಕರಿಸಿದ ನಂತರ, ಮಕ್ಕಳ ರಕ್ಷಣಾ ಘಟಕದ ಅಧಿಕಾರಿ (District Child Protection Unit Officer) ಅಥವಾ ಅವರ ಸಿಬ್ಬಂದಿಗಳು ಮನೆಯ ಭೇಟಿ ನೀಡುತ್ತಾರೆ. ಅವರು ಮಗುವಿನ ಪರಿಸ್ಥಿತಿ, ಶಿಕ್ಷಣ ಸ್ಥಿತಿ ಮತ್ತು ದಾಖಲೆಗಳ ಪ್ರಾಮಾಣಿಕತೆಯನ್ನು ಪರಿಶೀಲಿಸುತ್ತಾರೆ. ಪರಿಶೀಲನೆ ಮುಗಿದ ನಂತರ, ಅರ್ಜಿ ಅಂಗೀಕೃತವಾದರೆ ಯೋಜನೆ ಪ್ರಾರಂಭವಾಗುತ್ತದೆ ಮತ್ತು ಮಗುವಿಗೆ ಪ್ರತಿ ವರ್ಷ ₹48,000 ರೂ. ಸ್ಕಾಲರ್‌ಶಿಪ್ ನೀಡಲಾಗುತ್ತದೆ.
ಈ ಯೋಜನೆಯ ಕುರಿತು ಜನಸಾಮಾನ್ಯರಿಗೆ ಬಹುತೇಕ ಮಾಹಿತಿ ಇಲ್ಲ. ಅನೇಕ ತಂದೆ ಇಲ್ಲದ ಮಕ್ಕಳು ಶಿಕ್ಷಣದ ಮಧ್ಯೆ ಆರ್ಥಿಕ ಕಷ್ಟದಿಂದ ಬೇಸತ್ತುಬಿಡುತ್ತಾರೆ. ಈ ಸ್ಕಾಲರ್‌ಶಿಪ್ ಅವರ ಭವಿಷ್ಯ ನಿರ್ಮಾಣಕ್ಕೆ ಬಹಳ ಸಹಾಯಕ. ಆದ್ದರಿಂದ, ಈ ಮಾಹಿತಿ ಎಲ್ಲರಿಗೂ ತಲುಪಬೇಕು. ನಿಮ್ಮ ಪರಿಚಯದ ಯಾರಾದರೂ ತಂದೆ ಇಲ್ಲದ ಮಗು ಇದ್ದರೆ, ಅವರ ಪೋಷಕರಿಗೆ ಅಥವಾ ಪಾಲಕರಿಗೆ ಈ ಯೋಜನೆಯ ಬಗ್ಗೆ ತಿಳಿಸಿ, ಅರ್ಜಿ ಪಡೆಯುವಂತೆ ತಿಳಿಸಿ.
ತಂದೆ ಇಲ್ಲದ ಮಕ್ಕಳಿಗೆ ಸರ್ಕಾರದಿಂದ 48000/- ಪರಿಹಾರಕ್ಕೆ ಅರ್ಜಿ
ಈ ಯೋಜನೆ ಮಕ್ಕಳ ಶಿಕ್ಷಣವನ್ನು ಮುಂದುವರಿಸಲು ಮತ್ತು ಅವರ ಜೀವನದಲ್ಲಿ ಬೆಳಕು ತುಂಬಲು ಸರ್ಕಾರ ನೀಡುತ್ತಿರುವ ಅಮೂಲ್ಯ ಸಹಾಯವಾಗಿದೆ. ಪ್ರತಿಯೊಬ್ಬರು ಈ ಮಾಹಿತಿಯನ್ನು ಹಂಚಿಕೊಳ್ಳುವ ಮೂಲಕ ಒಂದು ಮಗು ತನ್ನ ಕನಸು ಸಾಕಾರಗೊಳಿಸಲು ನೆರವಾಗಬಹುದು.
