ಕರ್ನಾಟಕ ಸರ್ಕಾರ ರಾಜ್ಯದಾದ್ಯಂತ ಸಾಮಾಜಿಕ ಮತ್ತು ಶೈಕ್ಷಣಿಕ ಸಮೀಕ್ಷೆ ಕಾರ್ಯವನ್ನು ಪ್ರಾರಂಭಿಸಿದೆ. ಈ ಸಮೀಕ್ಷೆಯ ಮೂಲಕ ಪ್ರತಿ ಕುಟುಂಬದ ಆರ್ಥಿಕ, ಶೈಕ್ಷಣಿಕ ಮತ್ತು ಸಾಮಾಜಿಕ ಸ್ಥಿತಿಯನ್ನು ದಾಖಲಿಸಿ, ಭವಿಷ್ಯದ ವಿವಿಧ ಕಲ್ಯಾಣ ಯೋಜನೆಗಳ ರೂಪರೇಖೆ ಸಿದ್ಧಪಡಿಸಲಾಗುತ್ತದೆ.
ಇದರಲ್ಲಿ ವಿಶೇಷವೆಂದರೆ, ಇನ್ನು ಮುಂದೆ ಸಮೀಕ್ಷಾಧಿಕಾರಿಗಳು ನಿಮ್ಮ ಮನೆಗೆ ಬರುವವರೆಗೂ ಕಾಯಬೇಕಾಗಿಲ್ಲ. ನೀವು ಸ್ವಂತ ಮೊಬೈಲ್ ಅಥವಾ ಕಂಪ್ಯೂಟರ್ ಮೂಲಕ ಆನ್‌ಲೈನ್‌ನಲ್ಲಿ ಸುಲಭವಾಗಿ ಅರ್ಜಿಯನ್ನು ಭರ್ತಿ ಮಾಡಬಹುದು. ಇದು ಪಾರದರ್ಶಕತೆಯನ್ನು ಹೆಚ್ಚಿಸುವುದರ ಜೊತೆಗೆ ಸಮಯ ಹಾಗೂ ಶ್ರಮವನ್ನು ಉಳಿಸುತ್ತದೆ.
ಸಮೀಕ್ಷೆಯ ಮಹತ್ವ
- ಸರ್ಕಾರಕ್ಕೆ ನಿಖರವಾದ ಡೇಟಾ ದೊರೆಯುತ್ತದೆ.
- ಕುಟುಂಬಗಳ ಆರ್ಥಿಕ ಮತ್ತು ಶೈಕ್ಷಣಿಕ ಹಿನ್ನಲೆ ಆಧರಿಸಿ ಹೊಸ ಯೋಜನೆಗಳು ರೂಪಿಸಬಹುದು.
- ಬಡ ಕುಟುಂಬಗಳಿಗೆ ಹೆಚ್ಚಿನ ಸೌಲಭ್ಯಗಳು ತಲುಪಲು ನೆರವಾಗುತ್ತದೆ.
- ಆನ್‌ಲೈನ್ ಪ್ರಕ್ರಿಯೆಯ ಮೂಲಕ ಪಾರದರ್ಶಕತೆ, ವೇಗ ಹಾಗೂ ಸುಲಭತೆ ಖಚಿತವಾಗುತ್ತದೆ.
ಮೊಬೈಲ್‌ನಲ್ಲಿ ಸಮೀಕ್ಷೆ ಭರ್ತಿ ಮಾಡುವ ಹಂತಗಳು
- ವೆಬ್‌ಸೈಟ್‌ಗೆ ಭೇಟಿ – ಮೊದಲು kscbcselfdeclaration.karnataka.gov.in ಗೆ ಹೋಗಿ.
- ನಾಗರಿಕ (Citizen) ಆಯ್ಕೆ – ಮುಖ್ಯ ಪುಟದಲ್ಲಿ ‘Citizen’ ಬಟನ್ ಕ್ಲಿಕ್ ಮಾಡಿ.
- ಮೊಬೈಲ್ ಸಂಖ್ಯೆ ದೃಢೀಕರಣ – ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ ಬಂದ OTP ಮೂಲಕ ಪರಿಶೀಲಿಸಿ.
- ಹೊಸ ಸಮೀಕ್ಷೆ ಪ್ರಾರಂಭ – ‘ಹೊಸ ಸಮೀಕ್ಷೆ ಆರಂಭಿಸಿ’ ಕ್ಲಿಕ್ ಮಾಡಿ.
- UHID ಇದ್ದರೆ: Unique Household ID (UHID) ನಮೂದಿಸಿ.
- UHID ಇಲ್ಲದಿದ್ದರೆ: ‘I Don’t Have UHID’ ಆಯ್ಕೆ ಮಾಡಿ. ನಂತರ ಹೆಸ್ಕಾಂ ಐಡಿ (HESCOM ID) ನಮೂದಿಸಿ, ಸಮೀಕ್ಷೆಗೆ ಸಂಬಂಧಿಸಿದವರ ಫೋಟೋ ಅಪ್‌ಲೋಡ್ ಮಾಡಿ.
ಇ-ಕೆವೈಸಿ (e-KYC) ಪ್ರಕ್ರಿಯೆ ಮತ್ತು ಕುಟುಂಬ ಸೇರ್ಪಡೆ
ಅಂತಿಮ ಹಂತಗಳು
- ಎಲ್ಲ ಸದಸ್ಯರ ಮಾಹಿತಿಯನ್ನು ಸರಿಯಾಗಿ ಭರ್ತಿ ಮಾಡಿ.
- ಕೊಟ್ಟಿರುವ ಪ್ರಶ್ನೆಗಳಿಗೆ ಉತ್ತರ ನೀಡಿ Submit ಕ್ಲಿಕ್ ಮಾಡಿ.
- ಸಲ್ಲಿಸುವ ಮೊದಲು ಎಲ್ಲಾ ಮಾಹಿತಿಯನ್ನು ಮತ್ತೊಮ್ಮೆ ಪರಿಶೀಲಿಸುವ ಅವಕಾಶ ಸಿಗುತ್ತದೆ.
- ಸ್ವಯಂ ದೃಢೀಕರಣ ಪತ್ರ: “ನಾನು ಸ್ವಯಂ ಪ್ರೇರಣೆಯಿಂದ ಸಮೀಕ್ಷೆಯಲ್ಲಿ ಭಾಗವಹಿಸಿ ಎಲ್ಲಾ ನಿಖರವಾದ ಮಾಹಿತಿಯನ್ನು ನೀಡಿದ್ದೇನೆ” ಎಂದು ಬರೆದು, ಅದರ ಫೋಟೋ ತೆಗೆದು ಅಪ್‌ಲೋಡ್ ಮಾಡಬೇಕು.
- ಸಲ್ಲಿಕೆಯ ನಂತರ ನಿಮಗೆ ಅರ್ಜಿ ಸಂಖ್ಯೆ (Application Number) ಸಿಗುತ್ತದೆ.
Social and Educational Survey of Karnataka State
ನಿಮ್ಮ ಮೊಬೈಲ್ ನಲ್ಲಿಯೇ ಆನ್‌ಲೈನ್ ಮೂಲಕ ಸುಲಭವಾಗಿ ಭರ್ತಿ ಮಾಡಿ
ಎಲ್ಲರಿಗೂ ಕರೆ
ಪ್ರತಿ ನಾಗರಿಕರ ಸಹಭಾಗಿತ್ವ ಈ ಸಮೀಕ್ಷೆಯಲ್ಲಿ ಅತ್ಯಂತ ಮುಖ್ಯ. ಇದು ಕೇವಲ ಒಂದು ಅರ್ಜಿ ಅಲ್ಲ, ನಮ್ಮ ರಾಜ್ಯದ ಭವಿಷ್ಯದ ಯೋಜನೆಗಳನ್ನು ರೂಪಿಸುವ ಒಂದು ಬಲವಾದ ಆಧಾರ. ನಿಮ್ಮ ಮೊಬೈಲ್‌ನಲ್ಲೇ ಕೆಲವೇ ನಿಮಿಷಗಳಲ್ಲಿ ಸಮೀಕ್ಷೆಯನ್ನು ಪೂರ್ಣಗೊಳಿಸಿ, ರಾಜ್ಯದ ಅಭಿವೃದ್ಧಿಗೆ ನಿಮ್ಮ ಕೊಡುಗೆಯನ್ನು ನೀಡಿ.
👉 ಈಗಲೇ kscbcselfdeclaration.karnataka.gov.in ಗೆ ಭೇಟಿ ನೀಡಿ, ನಿಮ್ಮ ಕುಟುಂಬದ ಮಾಹಿತಿಯನ್ನು ದಾಖಲಿಸಿ.
